ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਇਸਲਾਮਾਬਾਦ : ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਦੀ ਸਿਆਸਤ ਪੂਰੀ ਤਰ੍ਹਾਂ ਭਾਰਤ ਦੇ ਵਿਰੋਧ ’ਤੇ ਟਿਕੀ ਹੈ। ਕੋਰੋਨਾ ਮਹਾਮਾਰੀ ਵਿਚਕਾਰ ਇਕ ਵਾਰ ਫਿਰ ਇਮਰਾਨ ਨੇ ਆਪਣੀ ਇਕ ਜਨਸਭਾ ’ਚ ਪਾਕਿਸਤਾਨ ਦੀ ਅਰਥਵਿਵਸਥਾ ਦੀ ਤੁਲਨਾ ਭਾਰਤ ਨਾਲ ਕਰਦੇ ਹੋਏ ਦੇਸ਼ ’ਚ ਵਾਹਵਾਹ ਕਰਵਾਉਣ ’ਚ ਲੱਗੇ ਰਹੇ। ਦੇਸ਼ ਦੀਆਂ ਸਮੱਸਿਆਵਾਂ ਤੋਂ ਧਿਆਨ ਭੜਕਾਉਣਾ ਚਾਹੁੰਦੇ ਹਨ। ਮਾਹਿਰਾਂ ਦੀ ਰਾਏ ਹੈ ਕਿ ਉਨ੍ਹਾਂ ਦਾ ਇਹ ਬਿਆਨ ਦੇਸ਼ ਦੀਆਂ ਸਮੱਸਿਆਵਾਂ ਤੋਂ ਜਨਤਾ ਦਾ ਧਿਆਨ ਹਟਾਉਣਾ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਉਹ ਦੇਸ਼ ਦੀਆਂ ਸਮੱਸਿਆਵਾਂ ਦੇ ਹੱਲ ਦੀ ਬਜਾਏ ਭਾਰਤ ਨਾਲ ਤੁਲਨਾ ਕਰਨ ’ਚ ਵਿਅਸਤ ਹਨ। ਹਾਲਾਂਕਿ ਅਜੇ ਤਕ ਉਨ੍ਹਾਂ ਦੇ ਇਸ ਬਿਆਨ ’ਤੇ ਪਾਕਿਸਤਾਨ ਦੀਆਂ ਵਿਰੋਧੀ ਪਾਰਟੀਆਂ ਦਾ ਕੋਈ ਬਿਆਨ ਨਹੀਂ ਆਇਆ।
ਸੱਤਾ ਸੰਭਾਲਦੇ ਹੀ ਕਰਜ਼ ’ਚ ਡੁੱਬਾ ਪਾਕਿਸਤਾਨ –
ਪ੍ਰੋ. ਹਰਸ਼ਪੰਤ ਦਾ ਕਹਿਣਾ ਹੈ ਕਿ ਸਾਲ 2018 ’ਚ ਪਾਕਿਸਤਾਨ ’ਚ ਹੋਈਆਂ ਚੋਣਾਂ ’ਚ ਇਮਰਾਨ ਖ਼ਾਨ ਦੀ ਪਾਰਟੀ ਬਹੁਮਤ ’ਚ ਆਈ ਤੇ ਉਹ ਦੇਸ਼ ਦੇ ਪ੍ਰਧਾਨ ਮੰਤਰੀ ਬਣੇ। ਇਮਰਾਨ ਖ਼ਾਨ ਦੀ ਤਾਜਪੋਸ਼ੀ ਉਸ ਸਮੇਂ ਹੋਈ, ਜਦ ਪਾਕਿਸਤਾਨ ਦੀ ਅਰਥਵਿਵਸਥਾ ਪੂਰੀ ਤਰ੍ਹਾਂ ਨਾਲ ਖਸਤਾ ਹੋਈ ਸੀ। ਉਨ੍ਹਾਂ ਦੇ ਕਾਰਜਭਾਰ ’ਚ ਪਾਕਿਸਤਾਨ ਪੂਰੀ ਤਰ੍ਹਾਂ ਕਰਜ਼ੇ ’ਚ ਡੁੱਬ ਗਿਆ ਹੈ। ਮਹਿੰਗਾਈ ਨੇ ਦੇਸ਼ ’ਚ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ।
