ਲੁਧਿਆਣਾ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਲੁਧਿਆਣਾ ਦੇ ਡਾਬਾ ਰੋਡ ਉੱਤੇ ਬਾਬਾ ਮੁਕੰਦ ਸਿੰਘ ਨਗਰ ਵਿੱਚ ਇੱਕ ਬਿਲਡਿੰਗ ਨੂੰ ਜੇੱਕ ਲਾ ਕੇ ਉੱਪਰ ਚੁੱਕ ਰਹੇ ਮਜ਼ਦੂਰ ਬਿਲਡਿੰਗ ਦੇ ਡਿਗਣ ਕਾਰਨ ਹੇਠ ਦਬ ਗਏ। ਪਤਾ ਚੱਲਿਆ ਹੈ ਕਿ 40 ਦੇ ਕਰੀਬ ਮਜ਼ਦੂਰ ਇਸ ਬਿਲਡਿੰਗ ਨੂੰ ਜੈੱਕ ਲਾ ਕੇ ਲਿਫਟ ਕਰ ਰਹੇ ਸੀ ਜਦੋਂ ਇਹ ਹਾਦਸਾ ਵਾਪਰਿਆ।
ਮੌਕੇ ਉੱਤੇ ਪਹੁੰਚੇ ਬਚਾਅ ਕਾਰਜ ਟੀਮਾਂ ਤੇ ਸਥਾਨਕ ਲੋਕਾਂ ਨੇ ਕਈ ਮਜ਼ਦੂਰ ਮਲਬੇ ਹੇਠੋਂ ਕੱਢ ਲਏ ਨੇ ਪਰ ਹਾਲੇ ਵੀ 4 ਤੋਂ 5 ਮਜ਼ਦੂਰ ਮਲਬੇ ਹੇਠ ਹੀ ਦਬੇ ਦੱਸੇ ਜਾ ਰਹੇ ਨੇ। ਮੌਕੇ ਉੱਤੇ ਡੀ.ਸੀ ਤੇ ਪੁਲਿਸ ਪ੍ਰਸ਼ਾਸ਼ਨ ਵੱਲੋਂ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
