ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼ : (ਸਿਮਰਨ)
ਕੋਵਿਡ -19 ਨਾਲ ਨਜਿੱਠਣ ਲਈ ਲਗਭਗ ਡੇਢ ਮਹੀਨਿਆਂ ਤੋਂ ਵੱਧ ਸਮੇਂ ਤੋਂ ਲਾਕਡਾਉਨ ਪੂਰੇ ਦੇਸ਼ ਵਿੱਚ ਚੱਲ ਰਿਹਾ ਹੈ। ਤਾਲਾਬੰਦੀ ਗਰੀਬਾਂ ਅਤੇ ਮਜ਼ਦੂਰਾਂ ਨੂੰ ਸਭ ਤੋਂ ਵੱਧ ਪ੍ਰਭਾਵਿਤ ਕਰ ਰਹੀ ਹੈ। ਰੋਜਾਨਾ ਦਿਹਾੜੀ ਵਾਲੇ ਕਾਮਿਆਂ ਦੇ ਸਾਹਮਣੇ ਭੁੱਖ ਦੀ ਸਥਿਤੀ ਪੈਦਾ ਹੋ ਗਈ ਹੈ। ਕਾਨਪੁਰ ਦੇ ਇਕ ਮਜ਼ਦੂਰ ਦੇ ਸਾਹਮਣੇ ਵੀ ਅਜਿਹੀ ਹੀ ਸਥਿਤੀ ਪੈਦਾ ਹੋਈ। ਕੱਕਦੇਵ ਥਾਣਾ ਖੇਤਰ ਦੇ ਨਿਵਾਸੀ ਮਜ਼ਦੂਰ ਨੂੰ ਕੰਮ ਨਾ ਮਿਲਣ ਕਾਰਨ ਪਰਿਵਾਰ ਵਿੱਚ ਬੱਚਿਆਂ ਦੇ ਖਾਣ ਲਈ ਕੁੱਝ ਨਹੀਂ ਸੀ। ਬੱਚੇ ਕਦੇ ਪਾਣੀ ਪੀ ਕੇ ਅਤੇ ਕਦੇ ਭੁਖਿਆਂ ਹੀ ਸੌ ਜਾਂਦੇ ਸਨ। ਇਸ ਤੋਂ ਛੁਟਕਾਰਾ ਪਾਉਣ ਲਈ ਮਜ਼ਦੂਰ ਨੇ ਖੁਦਕੁਸ਼ੀ ਕਰ ਲਈ।
ਪਰਿਵਾਰ ਵਿਚ 6 ਮੈਂਬਰ :
ਅਜਿਹੀ ਸਥਿਤੀ ਵਿੱਚ ਮਜ਼ਦੂਰ ਨੇ ਕੰਮ ਲੱਭਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਉਸਨੂੰ ਕੰਮ ਨਹੀਂ ਮਿਲਿਆ। ਉਹ 15 ਦਿਨਾਂ ਤੋਂ ਆਪਣੇ ਬੱਚਿਆਂ ਨੂੰ ਭੁੱਖੇ ਵੇਖ ਕੇ ਅੰਦਰੋਂ ਟੁੱਟ ਗਿਆ ਸੀ। ਇਸ ਤੋਂ ਬਾਅਦ ਉਸਨੇ ਫਾਹਾ ਲਗਾ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ। ਇਸ ਮਜ਼ਦੂਰ ਦਾ ਨਾਮ ਵਿਜੈ ਬਹਾਦੁਰ (40) ਹੈ। ਉਸਦਾ ਕਿੱਤਾ ਮਜ਼ਦੂਰ ਵਜੋਂ ਕੰਮ ਕਰਨਾ ਸੀ। ਉਹ ਮਜ਼ਦੂਰੀ ਕਰਕੇ ਆਪਣੇ ਪੁੱਤਰਾਂ ਸ਼ਿਵਮ, ਸ਼ੁਭਮ, ਰਵੀ, ਬੇਟੀ ਅਨੁਸ਼ਕਾ ਅਤੇ ਪਤਨੀ ਰੰਭਾ ਨੂੰ ਹੀ ਪਾਲਦਾ ਸੀ।
ਤਾਲਾਬੰਦੀ ਤੋਂ ਡੇਢ ਮਹੀਨਾ ਅੱਗੇ ਜਾਣ ਕਾਰਨ ਮਜ਼ਦੂਰਾਂ ਦੀ ਆਰਥਿਕ ਸਥਿਤੀ ਵਿਗੜ ਗਈ। ਮਜ਼ਦੂਰਾਂ ਦੀ ਹਾਲਤ ਇੰਨੀ ਚੰਗੀ ਨਹੀਂ ਹੈ ਕਿ ਉਹ ਬਿਨ੍ਹਾਂ ਕਮਾਏ ਆਪਣੇ ਪਰਿਵਾਰ ਦੇ ਖ਼ਰਚੇ ਹੋਰ ਦਿਨ ਚਲਾ ਸਕਦੇ ਹਨ। ਗੁਆਢੀਆਂ ਨੇ ਦੱਸਿਆ ਕਿ ਵਿਜੇ ਦੇ ਪਰਿਵਾਰ ਨੂੰ ਕਈ ਦਿਨਾਂ ਤੋਂ ਕਾਫ਼ੀ ਭੋਜਨ ਨਹੀਂ ਮਿਲਿਆ ਸੀ। ਇਸ ਮੁਸੀਬਤ ਤੋਂ ਛੁਟਕਾਰਾ ਪਾਉਣ ਲਈ ਉਸਨੇ ਆਤਮ ਹੱਤਿਆ ਕਰ ਲਈ। ਵਿਜੇ ਨੇ ਬੁੱਧਵਾਰ ਸ਼ਾਮ ਨੂੰ ਘਰ ਵਿਚ ਹੀ ਫਾਹਾ ਲੈ ਲਿਆ। ਪਤਨੀ ਨੇ ਵਿਜੇ ਨੂੰ ਗੁਆਂਢੀਆਂ ਦੀ ਮਦਦ ਨਾਲ ਹੈਲਟ ਵਿੱਚ ਦਾਖਲ ਕਰਵਾਇਆ, ਜਿਥੇ ਦੇਰ ਰਾਤ ਉਸਦੀ ਮੌਤ ਹੋ ਗਈ।
