ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼ : (ਸਿਮਰਨ)
ਹਰਿਆਣਾ ਪੁਲਿਸ ਲਈ ਸਿਰ ਦਰਦ ਬਣੇ 100 ਕਰੋੜ ਦੀ ਠੱਗੀ ਮਾਰਨ ਵਾਲੇ ਕੈਂਡੀ ਬਾਬਾ ਨੂੰ ਆਖ਼ਿਰਕਾਰ ਪੁਲਿਸ ਨੇ ਗ੍ਰਿਫ਼ਤਾਰ ਕਰਨ ਵਿੱਚ ਵੱਡੀ ਕਾਮਯਾਬੀ ਹਾਸਿਲ ਕੀਤੀ ਹੈ। ਫ਼ਰੀਦਾਬਾਦ ਦੇ ਸੈਕਟਰ 30 ਕਰਾਇਮ ਬ੍ਰਾਂਚ ਨੇ ਕੈਂਡੀ ਬਾਬੇ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਸੈਕਟਰ 30 ਕਰਾਇਮ ਬ੍ਰਾਂਚ ਇੰਚਾਰਜ ਸੁਰਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਟੀਮ ਮੁਲਜ਼ਮ ਬਾਬਾ ਨੂੰ ਬਦਰਪੁਰ ਬਾਰਡਰ ਤੋਂ ਗ੍ਰਿਫ਼ਤਾਰ ਕੀਤਾ ਹੈ। ਫ਼ਿਲਹਾਲ ਮੁਲਜ਼ਮ ਬਾਬਾ ਨੂੰ ਕਰਾਇਮ ਬ੍ਰਾਂਚ ਨੇ 10 ਦਿਨ ਰਿਮਾਂਡ ਉੱਤੇ ਲੈ ਕੇ ਪੁੱਛਗਿਛ ਕਰ ਰਹੀ ਹੈ।
ਕੈਂਡੀ ਬਾਬਾ ਉੱਤੇ ਫ਼ਰੀਦਾਬਾਦ ਦੇ ਇਲਾਵਾ ਸੂਬੇ ਦੇ ਕਈ ਜ਼ਿਲਿਆਂ ਵਿੱਚ ਲੋਕਾਂ ਨਾਲ ਕਰੋੜਾਂ ਰੁਪਏ ਦੀ ਧੋਖਾਧੜੀ ਦੇ ਇਲਜ਼ਾਮ ਹਨ। ਭੂਤ-ਪ੍ਰੇਤ ਉਤਾਰਨ ਦਾ ਢੋਂਗ ਕਰਨ ਦੇ ਨਾਲ ਹੀ ਉਹ ਲੋਕਾਂ ਨੂੰ ਸਸਤਾ ਸੋਨਾ ਵੇਚਣ, ਵਿਦੇਸ਼ ਭੇਜਣ ਅਤੇ ਰੁਪਿਆ ਦੁੱਗਣਾ ਕਰਨ ਦਾ ਝਾਂਸਾ ਦੇ ਕੇ ਠੱਗਦਾ ਸੀ। ਜਦੋਂ ਲੋਕਾਂ ਨੂੰ ਉਸ ਉੱਤੇ ਸ਼ੱਕ ਹੋਣ ਲਗਾ ਤਾਂ ਸਾਲ 2018 ਵਿੱਚ ਉਹ ਫ਼ਰਾਰ ਹੋ ਗਿਆ ਪਰ ਉਦੋਂ ਤੱਕ ਉਹ ਲੋਕਾਂ ਤੋਂ ਕਰੋੜਾਂ ਰੁਪਏ ਠੱਗ ਚੁੱਕਿਆ ਸੀ।
ਪੁਲਿਸ ਦੇ ਮੁਤਾਬਿਕ ਮੁਲਜ਼ਮ ਬਾਬਾ ਨੇ ਲੋਕਾਂ ਤੋਂ ਲੱਗਭੱਗ 100 ਕਰੋੜ ਰੁਪਏ ਦੀ ਠੱਗੀ ਕੀਤੀ ਹੈ। ਸਾਲ 2018 ਤੋਂ ਹੀ ਉਹ ਫ਼ਰਾਰ ਸੀ। ਫ਼ਰੀਦਾਬਾਦ ਦੇ ਇਲਾਵਾ ਸੂਬੇ ਦੇ ਕਈ ਜ਼ਿਲਿਆਂ ਵਿੱਚ ਲੱਗਭੱਗ 30 ਮੁਕੱਦਮੇ ਦਰਜ ਹਨ। ਫ਼ਿਲਹਾਲ ਪੁਲਿਸ ਕੈਂਡੀ ਬਾਬਾ ਨੂੰ 10 ਦਿਨ ਦੀ ਰਿਮਾਂਡ ਉੱਤੇ ਲੈ ਕੇ ਪੁੱਛਗਿਛ ਕਰ ਰਹੀ ਹੈ।
ਕੈਂਡੀ ਬਾਬੇ ਖ਼ਿਲਾਫ਼ ਕਈ ਕੇਸ ਦਰਜ ਹੋਏ ਸਨ
ਇਸੇ ਤਰ੍ਹਾਂ ਚੰਡੀਗੜ੍ਹ-ਪ੍ਰੋਗਰੈਸਿਵ ਸੁਸਾਇਟੀ ਸੈਕਟਰ -50 ਦੇ ਗੁਰਪ੍ਰੀਤ ਸਿੰਘ ਨੇ ਵੀ ਰਾਜੇਸ਼ ਉਰਫ਼ ਕਾਂਡੀ ਖ਼ਿਲਾਫ਼ ਧੋਖਾਧੜੀ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ, ਜਿਸ ’ਤੇ ਪੁਲੀਸ ਨੇ ਛਾਪਾ ਮਾਰੇ ਕੇ ਉਸ ਨੂੰ ਨਕਦੀ, 32 ਬੋਰ ਪਿਸਤੌਲ, 11 ਕਾਰਤੂਸ ਅਤੇ ਜਾਦੂਈ ਟ੍ਰਿਕ ਦਿਖਾਉਣ ਵਾਲਾ ਬਾਕਸ ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਉਨ੍ਹਾਂ ਖ਼ਿਲਾਫ਼ ਆਰਮਜ਼ ਐਕਟ ਦੀ ਧਾਰਾ 406, 420 ਅਤੇ ਧਾਰਾ 25, 54, 59 ਦੇ ਤਹਿਤ ਕੇਸ ਦਰਜ ਕੀਤਾ ਸੀ।
ਨੋਟਾਂ ਦੀ ਬਾਰਸ਼ ਕਰਨ ਦੇ ਬਹਾਨੇ ਮਾਰਦਾ ਸੀ ਠੱਗੀ :
ਏਸੀਪੀ ਕਰਾਈਮ ਨੇ ਦੱਸਿਆ ਕਿ ਕੈਂਡੀ ਬਾਬਾ ਦੁਗਣਾ ਪੈਸਾ ਦੇਣ ਦੇਣ ਬਹਾਨੇ ਲੋਕਾਂ ਨਾਲ ਧੋਖਾ ਕਰਦਾ ਸੀ। ਉਹ ਹਨੇਰੇ ਕਮਰੇ ਵਿਚ ਮੋਮਬੱਤੀਆਂ ਜਗਾਉਂਦਾ ਸੀ ਅਤੇ ਨੋਟਾਂ ਦਾ ਮੀਂਹ ਪਵਾਉਣ ਦਾ ਝਾਂਸਾ ਦਿੰਦਾ। ਇਸ ਤਰ੍ਹਾਂ ਦੀ ਇਕ ਖੇਡ ਇਸ ਬਾਬੇ ਨੇ ਕ੍ਰਿਸ਼ਣ ਕੁਮਾਰ ਨਿਵਾਸੀ ਅਮਰਗੜ੍ਹ ਗਾਵੜੀ ਨਾਲ ਖੇਡੀ ਸੀ। ਕ੍ਰਿਸ਼ਨ ਕੁਮਾਰ ਦਾ ਹੱਥ ਵੇਖ ਕੇ ਬਾਬਾ ਆਪਣੀ ਸਮੱਸਿਆ ਦਾ ਹੱਲ ਕੱਢਣ ਦੀ ਤਾਕਤ ਰੱਖਦਾ ਸੀ। ਪਹਿਲਾਂ 10 ਰੁਪਏ ਵਿਚ 140 ਰੁਪਏ ਬਣਾਏ ਅਤੇ ਫਿਰ ਨੋਟਾਂ ਦੀ ਬਾਰਸ਼ ਕਰਨ ਲਈ 50 ਲੱਖ ਮੰਗਵਾਏ।
ਸ਼ਿਕਾਇਤਕਰਤਾ ਦੇ ਅਨੁਸਾਰ, ਬਾਬੇ ਨੇ ਉਸਨੂੰ ਇੱਕ ਹਨੇਰੇ ਕਮਰੇ ਵਿੱਚ ਬੁਲਾਇਆ ਅਤੇ ਮੋਮਬੱਤੀਆਂ ਜਗਾ ਕੇ ਨੋਟਾਂ ਦੀ ਬਾਰਸ਼ ਕੀਤੀ ਅਤੇ ਬਾਅਦ ਵਿੱਚ ਸਿਰਫ 9 ਲੱਖ 17 ਹਜ਼ਾਰ ਦੇ ਨੋਟ ਇਕੱਠੇ ਕੀਤੇ। ਸ਼ਿਕਾਇਤ ਕਰਤਾ ਨੇ ਉਸਨੂੰ 40 ਲੱਖ ਦਿੱਤੇ ਪਰ ਮਿਲੇ ਸਿਰਫ਼ 9 ਲੱਖ 40 ਹਜ਼ਾਰ ਰੁਪਏ ਪਰ ਇਸ ਤੋਂ ਬਾਅਦ ਨਾ ਤਾਂ ਨੋਟਾਂ ਦੀ ਬਾਰਸ਼ ਹੋਈ ਅਤੇ ਨਾ ਹੀ ਬਾਬਾ ਮਿਲਿਆ।
ਨਕਲੀ ਨੋਟ ਅਤੇ ਨਕਲੀ ਸੋਨੇ ਦੀਆਂ ਇੱਟਾਂ ਦਿੰਦਾ :
ਕੈਂਡੀ ‘ਤੇ ਨਕਲੀ ਨੋਟਾਂ ਅਤੇ ਨਕਲੀ ਸੋਨੇ ਦੀਆਂ ਇੱਟਾਂ ਦੇਣ ਦਾ ਵੀ ਦੋਸ਼ ਹੈ। ਕੈਥਲ ਨਿਵਾਸੀ ਰਾਮਚੰਦਰ ਨੇ ਇਸ ਗੱਲ ਦਾ ਖੁਲਾਸਾ ਕੀਤਾ ਸੀ। ਤਾਂਤਰਿਕ ਨੇ ਰਾਮਚੰਦਰ ਕੋਲੋਂ 30 ਲੱਖ ਰੁਪਏ ਦੇ ਗਹਿਣੇ ਵੀ ਲੈ ਲਏ ਸਨ ਅਤੇ ਸਸਤੀ ਕੀਮਤ ਵਿਚ ਨਵੇਂ ਗਹਿਣੇ ਲੈਣ ਦਾ ਵਾਅਦਾ ਕੀਤਾ ਸੀ। ਬਾਅਦ ‘ਚ ਰਾਮਚੰਦਰ ਕੋਲੋਂ 24 ਲੱਖ ਲੈ ਕੇ ਮੌਕੇ’ ਤੇ ਸੋਨੇ ਦੀ ਇਕ ਇੱਟ ਦਿੱਤੀ ਗਈ, ਜੋ ਕਿ ਜਾਅਲੀ ਸਾਬਤ ਹੋਈ। ਰਾਮਚੰਦਰ ਦੇ ਦਬਾਅ ‘ਤੇ, ਕੈਂਡੀ ਨੇ 2-2 ਹਜ਼ਾਰ ਦੇ ਨੋਟ ਦਿੱਤੇ ਸਨ, ਜੋ ਨਕਲੀ ਸਨ, ਇਸ ਲਈ ਪੁਲਿਸ ਤਾਂਤਰਿਕ ਖ਼ਿਲਾਫ਼ ਹਰ ਪਹਿਲੂ’ ਤੇ ਜਾਂਚ ਕਰ ਰਹੀ ਹੈ।
