ਹਰਿਆਣਾ, ਜਨਗਾਥਾ ਟਾਇਮਜ਼ : (ਸਿਮਰਨ)
ਹਰਿਆਣਾ : ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਹਾਦਸੇ ਦਾ ਸ਼ਿਕਾਰ ਹੋਏ ਹਨ। ਉਹ ਮੰਗਲਵਾਰ ਦੁਪਹਿਰ ਨੂੰ ਆਪਣੇ ਘਰ ਦੇ ਬਾਥਰੂਮ ਵਿੱਚ ਤਿਲਕ ਗਏ, ਜਿਸ ਕਾਰਨ ਉਨ੍ਹਾਂ ਦੇ ਪੈਰ ਵਿਚ ਫੈਕਚਰ ਹੋ ਗਿਆ। ਉਨ੍ਹਾਂ ਨੂੰ ਇਲਾਜ ਲਈ ਮੋਹਾਲੀ ਦੇ ਮੈਕਸ ਹਸਪਤਾਲ ਲਿਜਾਇਆ ਗਿਆ।
ਚੀਕਾਂ ਸੁਣ ਦੇ ਸੁਰੱਖਿਆ ਕਰਮੀ ਦੌੜੇ :
ਜਾਣਕਾਰੀ ਅਨੁਸਾਰ ਵਿਜ ਆਪਣੀ ਸ਼ਾਸਤਰੀ ਕਲੋਨੀ ਨਿਵਾਸ ਵਿਚ ਬਾਥਰੂਮ ਗਏ ਸਨ ਜਦੋਂ ਉਸ ਦਾ ਪੈਰ ਅਚਾਨਕ ਤਿਲਕ ਗਿਆ ਅਤੇ ਚੀਕ ਦੀ ਅਵਾਜ਼ ਆਈ। ਅਵਾਜ਼ ਸੁਣਦਿਆਂ ਹੀ ਆਲੇ-ਦੁਆਲੇ ਦੇ ਸੁਰੱਖਿਆ ਗਾਰਡ ਤੁਰੰਤ ਉਸ ਦੇ ਅੰਦਰ ਚਲੇ ਗਏ ਅਤੇ ਬਾਹਰ ਲੈ ਆਏ। ਇਸ ਤੋਂ ਤੁਰੰਤ ਬਾਅਦ ਇਕ ਐਂਬੂਲੈਂਸ ਬੁਲਾ ਲਈ ਗਈ।
ਸੂਚਨਾ ਮਿਲਣ ‘ਤੇ ਸੀਐੱਮਓ ਸਮੇਤ ਹੋਰ ਅਧਿਕਾਰੀ ਵੀ ਗ੍ਰਹਿ ਮੰਤਰੀ ਦੀ ਰਿਹਾਇਸ਼’ ਤੇ ਪਹੁੰਚ ਗਏ। ਇਸ ਤੋਂ ਬਾਅਦ ਅਨਿਲ ਵਿਜ ਨੂੰ ਅੰਬਾਲਾ ਹਾਈਵੇਅ ‘ਤੇ ਸਥਿਤ ਸਿਲਲ ਹਸਪਤਾਲ’ ਚ ਦਾਖ਼ਲ ਕਰਵਾਇਆ ਗਿਆ ਹੈ। ਜਿੱਥੇ ਡਾਕਟਰਾਂ ਨੇ ਐਕਸ-ਰੇ ਕਰਨ ਤੋਂ ਬਾਅਦ ਲੱਤ ਵਿਚ ਫਰੈਕਚਰ ਹੋਣ ਬਾਰੇ ਕਿਹਾ ਹੈ। ਇਸ ਤੋਂ ਬਾਅਦ ਅਨਿਲ ਵਿਜ ਨੂੰ ਮੈਕਸ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਹੈ। ਫ਼ਿਲਹਾਲ ਉਸ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ ਅਤੇ ਡਾਕਟਰਾਂ ਨੇ ਉਸ ਨੂੰ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।