ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਨਵੀਂ ਦਿੱਲੀ : ਰੇਲ ਯਾਤਰੀਆਂ ਦੀਆਂ ਟਿਕਟਾਂ ਹੁਣ ਹੋਰ ਮਹਿੰਗੀਆਂ ਹੋਣਗੀਆਂ। ਰੇਲਵੇ ਰੀ-ਡੈਵਲਪਮੈਂਟ ਵਾਲੇ ਸਟੇਸ਼ਨਾਂ ਦੀ ਵਰਤੋਂ ਲਈ ਯਾਤਰੀਆਂ ਤੋਂ 10 ਤੋਂ 35 ਰੁਪਏ ਵਸੂਲ ਕਰੇਗਾ। ਯਾਤਰੀਆਂ ਤੋਂ ਉਨ੍ਹਾਂ ਸਟੇਸ਼ਨਾਂ ਦੀ ਵਰਤੋਂ ਦੇ ਇਵਜ਼ ‘ਚ ਯੂਜ਼ਰ ਚਾਰਜ ਲਏ ਜਾਣਗੇ ਜਿਨ੍ਹਾਂ ਨੂੰ ਰੀ-ਡੈਵਲਪਮੈਂਟ ਕੀਤਾ ਗਿਆ ਹੈ। ਇਸ ਦੇ ਨਾਲ ਹੀ ਹੋਰ ਸਟੇਸ਼ਨਾਂ ਨੂੰ ਵਿਕਸਤ ਕਰਨ ਲਈ ਰੇਲਵੇ ਕੋਲ ਫੰਡ ਜਮ੍ਹਾ ਹੋਣਗੇ। ਰੇਲਵੇ ਨੇ ਇਹ ਪ੍ਰਸਤਾਵ ਤਿਆਰ ਕਰ ਲਿਆ ਹੈ, ਜਿਸ ਨੂੰ ਜਲਦੀ ਹੀ ਕੈਬਨਿਟ ਦੀ ਮਨਜ਼ੂਰੀ ਲਈ ਭੇਜਿਆ ਜਾਵੇਗਾ।
ਵਧੇਰੇ ਯਾਤਰਾ ਵਾਲੇ ਸਟੇਸ਼ਨਾਂ ‘ਤੇ ਉਪਭੋਗਤਾ ਚਾਰਜ ਲਏ ਜਾਣਗੇ :
ਦੇਸ਼ ਭਰ ਵਿੱਚ 7000 ਰੇਲਵੇ ਸਟੇਸ਼ਨ ਹਨ, ਜਿਨ੍ਹਾਂ ਵਿੱਚੋਂ 700 ਤੋਂ 1000 ਇਸ ਸ਼੍ਰੇਣੀ ਵਿਚ ਆਉਂਦੇ ਹਨ। ਇਹ ਪਹਿਲਾ ਮੌਕਾ ਹੋਵੇਗਾ ਜਦੋਂ ਰੇਲ ਉਪਭੋਗਤਾ ਤੋਂ ਉਪਭੋਗਤਾ ਚਾਰਜ ਵਸੂਲਣ ਦੀ ਤਜਵੀਜ਼ ਦਿੱਤੀ ਗਈ ਹੋਵੇ। ਹੁਣ ਤੱਕ ਯੂਜ਼ਰ ਚਾਰਜ ਸਿਰਫ਼ ਜਹਾਜ਼ ਦੇ ਯਾਤਰੀਆਂ ਤੋਂ ਲਿਆ ਜਾਂਦਾ ਸੀ। ਵੱਖ-ਵੱਖ ਹਵਾਈ ਅੱਡਿਆਂ ‘ਤੇ ਵੱਖਰੇ ਢੰਗ ਨਾਲ ਯੂਡੀਐੱਫ ਦਾ ਖ਼ਰਚਾ ਲਿਆ ਜਾਂਦਾ ਹੈ। ਇਹ ਹਰ ਸ਼ਹਿਰ ‘ਚ ਵੱਖਰੇ ਹੁੰਦੇ ਹਨ।
ਯਾਤਰੀਆਂ ਦੀ ਸਹੂਲਤ ਵਧਾਉਣ ਲਈ ਉਪਭੋਗਤਾ ਚਾਰਜ ਦੀ ਵਰਤੋਂ ਕੀਤੀ ਜਾਏਗੀ :
ਰੇਲਵੇ ਜੋ ਉਪਭੋਗਤਾ ਚਾਰਜ ਲੈਂਦਾ ਹੈ ਉਸ ਦੀ ਵਰਤੋਂ ਸਟੇਸ਼ਨਾਂ ‘ਤੇ ਯਾਤਰੀਆਂ ਦੀ ਸਹੂਲਤ ਵਧਾਉਣ ਲਈ ਕੀਤੀ ਜਾਏਗੀ। ਇਹ ਸਹੂਲਤ ਸਾਰੇ ਯਾਤਰੀਆਂ ਲਈ ਹੋਵੇਗੀ।