ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਪ੍ਰਧਾਨ ਮੰਤਰੀ ਮੋਦੀ ਦੇ ਆਵਾਸ ’ਤੇ ਅੱਜ ਜੰਮੂ-ਕਸ਼ਮੀਰ ਦੇ ਨੇਤਾਵਾਂ ਦੇ ਨਾਲ ਹੋਣ ਵਾਲੀ ਸਰਬ ਪਾਰਟੀ ਬੈਠਕ ਦਾ ਏਜੰਡਾ ਸਰਵਜਨਿਕ ਨਾ ਕੀਤੇ ਜਾਣ ਨਾਲ ਸਪਸ਼ਟ ਹੋ ਗਿਆ ਹੈ ਕਿ ਗੱਲਬਾਤ ਦਾ ਦਾਇਰਾ ਸੀਮਿਤ ਨਹੀਂ ਹੋਵੇਗਾ। ਸਾਰੇ ਆਪਣੇ ਦਿਲ ਦੀ ਗੱਲ ਖੁੱਲ੍ਹ ਕੇ ਕਹਿ ਸਕਣਗੇ ਤਾਂਕਿ ਜੰਮੂ ਕਸ਼ਮੀਰ ’ਚ ਸ਼ਾਂਤੀ, ਸਥਿਰਤਾ, ਸੁਰੱਖਿਆ ਤੇ ਵਿਕਾਸ ਦੇ ਸਥਾਈ ਵਾਤਾਵਰਣ ਦੀ ਬਹਾਲੀ ਦਾ ਰੋਡਮੈਪ ਬਣ ਸਕੇ ਤੇ ਰਾਜਨੀਤਿਕ ਪ੍ਰਕਿਰਿਆ ਨੂੰ ਗਤੀ ਦਿੱਤੀ ਜਾ ਸਕੇ। ਬੈਠਕ ਲਈ ਬੁਲਾਏ ਗਏ ਲਗਪਗ ਸਾਰੇ ਨੇਤਾ ਬੁੱਧਵਾਰ ਨੂੰ ਆਪਣੇ ਏਜੰਡੇ ਦੇ ਨਾਲ ਦਿੱਲੀ ਪਹੁੰਚ ਗਏ। ਇਨ੍ਹਾਂ ’ਚ ਪੀਪੁਲਸ ਡੈਮੋਕ੍ਰੇਟਿਕ ਪਾਰਟੀ ਦੀ ਮੁੱਖ ਮਹਿਬੂਬਾ ਮੁਫਤੀ ਵੀ ਸ਼ਾਮਲ ਹੈ। ਨੈਸ਼ਨਲ ਕਾਨਫਰੰਸ ਦੇ ਪ੍ਰਦਾਨ ਡਾ. ਫਾਰੁਕ ਅਬਦੁੱਲਾ ਅੱਜ ਦਿੱਲੀ ਪਹੁੰਚਣਗੇ।
– ਜੰਮੂ ਕਸ਼ਮੀਰ ਦੇ ਨੇਤਾਵਾਂ ਦੇ ਨਾਲ ਪੀਐੱਮ ਮੋਦੀ ਦੀ ਬੈਠਕ ’ਤੇ ਜੰਮੂ ਕਸ਼ਮੀਰ ਨੈਸ਼ਨਲ ਪੈਂਥਰਸ ਪਾਰਟੀ ਦੇ ਪ੍ਰਧਾਨ ਭੀਮ ਸਿੰਘ ਨੇ ਕਿਹਾ, ਮੈਨੂੰ ਸੱਦਾ ਦਿੱਤਾ ਗਿਆ ਹੈ। ਮਾਨਤਾ ਪ੍ਰਾਪਰਤ ਪਾਰਟੀਆਂ ਨੂੰ ਬੁਲਾਇਆ ਗਿਆ ਹੈ। ਲੋਕਾਂ ਦੇ ਹੱਕ, ਏਕਤਾ, ਭਾਈਚਾਰਾ, ਭਾਰਤ ਨਾਲ ਮਜ਼ਬੂਤੀ ਦੇ ਬਾਰੇ ’ਚ ਬੋਲਣਾ ਹੈ।
– ਨੈਸ਼ਨਲ ਕਾਨਫਰੰਸ ਦੇ ਮੁੱਖ ਫਾਰੂਕ ਅਬਦੁੱਲਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਆਰਾ ਬੁਲਾਈ ਗਈ ਸਰਬ ਬੈਠਕ ਲਈ ਸ਼੍ਰੀ ਨਗਰ ’ਚ ਆਪਣੇ ਆਵਾਸ ਤੋਂ ਰਵਾਨਾ ਹੋਏ।
– ਡੋਗਰਾ ਫਰੰਟ ਨੇ ਜੰਮੂ ’ਚ ਪੀਪੁਲਸ ਡੈਮੋਕ੍ਰੇਟਿਕ ਪਾਰਟੀ ਦੀ ਮੁੱਖ ਮਹਿਬੂਬਾ ਮੁਫਤਤੀ ਖਿਲਾਫ਼ ਵਿਰੋਧ ਪ੍ਰਦਰਸ਼ਨ ਕੀਤਾ। ਇਕ ਪ੍ਰਦਰਸ਼ਕਾਰੀ ਨੇ ਕਿਹਾ ਕਿ ਇਹ ਵਿਰੋਧ ਮੁਫਤੀ ਦੇ ਉਸ ਬਿਆਨ ਖਿਲਾਫ਼ ਹੈ ਜੋ ਉਨ੍ਹਾਂ ਨੇ ਗੁਪਕਾਰ ਦੀ ਬੈਠਕ ਤੋਂ ਬਾਅਦ ਦਿੱਤਾ ਸੀ ਕਿ ਪਾਕਿਸਤਾਨ ਕਸ਼ਮੀਰ ਮੁੱਦੇ ’ਚ ਇਕ ਹਿਤਧਾਰਕ ਹੈ। ਉਨ੍ਹਾਂ ਨੂੰ ਜੇਲ੍ਹ ਭੇਜਿਆ ਜਾਵੇ।