ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਲੰਡਨ: ਬ੍ਰਿਟੇਨ ਨੇ ਮੰਗਲਵਾਰ ਨੂੰ ਵੱਧ ਰਹੇ ਅਮਰੀਕੀ ਦਬਾਅ ਵੱਲ ਝੁਕਦਿਆਂ ਬੀਜਿੰਗ ਤੋਂ ਬਦਲਾ ਲੈਣ ਦੀ ਚੇਤਾਵਨੀ ਦੇ ਬਾਵਜੂਦ ਚੀਨੀ ਦੂਰਸੰਚਾਰ ਹੁਆਵੇਈ ਨੂੰ ਆਪਣੇ 5 ਜੀ ਨੈੱਟਵਰਕ ਤੋਂ ਹਟਾਉਣ ਦਾ ਆਦੇਸ਼ ਦਿੱਤਾ। ਜਾਣਕਾਰੀ ਅਨੁਸਾਰ ਚੀਨ ਦਾ ਹੁਆਵੇਈ 2027 ਦੇ ਅੰਤ ਤੱਕ ਯੂਕੇ ਦੇ 5 ਜੀ ਨੈਟਵਰਕ ਤੋਂ ਪੂਰੀ ਤਰ੍ਹਾਂ ਹਟਾ ਦਿੱਤਾ ਜਾਵੇਗਾ।
ਬ੍ਰਿਟੇਨ ਦੇ ਨੈਸ਼ਨਲ ਸਾਈਬਰ ਸਿਕਿਓਰਿਟੀ ਸੈਂਟਰ (ਐੱਨਸੀਐਸਸੀ) ਦੇ ਹੁਆਵੇਈ ‘ਤੇ ਅਮਰੀਕੀ ਪਾਬੰਦੀਆਂ ਦੇ ਪ੍ਰਭਾਵਾਂ ਦੀ ਸਮੀਖਿਆ ਕਰਨ ਤੋਂ ਬਾਅਦ ਮੰਗਲਵਾਰ ਨੂੰ ਸਰਕਾਰ ਨੇ ਇਹ ਐਲਾਨ ਕੀਤਾ। ਪਹਿਲਾਂ, ਚੀਨੀ ਕੰਪਨੀ ਨੂੰ ਯੂਕੇ ਦੁਆਰਾ ਆਪਣੇ 5 ਜੀ ਨੈਟਵਰਕ ਦੇ ਵਿਸਤਾਰ ਵਿੱਚ ਸੀਮਤ ਢੰਗ ਨਾਲ ਕੰਮ ਕਰਨ ਦੀ ਆਗਿਆ ਦਿੱਤੀ ਗਈ ਸੀ।
ਇਹ ਫ਼ੈਸਲਾ ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਦੀ ਪ੍ਰਧਾਨਗੀ ਵਿੱਚ ਐੱਨਸੀਐੱਸਸੀ ਦੀ ਇੱਕ ਮੀਟਿੰਗ ਵਿੱਚ ਮਈ ਵਿੱਚ ਹੁਆਵੇਈ ‘ਤੇ ਲਗਾਈਆਂ ਗਈਆਂ ਨਵੀਂਆਂ ਅਮਰੀਕੀ ਪਾਬੰਦੀਆਂ ਦੀ ਸਮੀਖਿਆ ਤੋਂ ਬਾਅਦ ਲਿਆ ਗਿਆ। ਇਨ੍ਹਾਂ ਨਵੀਆਂ ਪਾਬੰਦੀਆਂ ਨਾਲ ਚੀਨੀ ਕੰਪਨੀ ਅਮਰੀਕੀ ਸੈਮੀਕੰਡਕਟਰ ਤਕਨਾਲੋਜੀ ਦੇ ਅਧਾਰ ‘ਤੇ ਉਤਪਾਦਾਂ ਨੂੰ ਪ੍ਰਾਪਤ ਨਹੀਂ ਕਰ ਸਕਦੀ। ਬ੍ਰਿਟੇਨ ਦੀ ਇਸ ਪਾਬੰਦੀ ਤੋਂ ਬਾਅਦ ਹੁਆਵੇਈ ਦਾ ਸਮਾਨ ਇਸ ਦੇ ਨੈੱਟਵਰਕ ਤੋਂ ਪੂਰੀ ਤਰ੍ਹਾਂ ਹਟਾ ਦਿੱਤਾ ਜਾਵੇਗਾ।