ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਨਵੀਂ ਦਿੱਲੀ : ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੇ ਕਿਹਾ ਹੈ ਕਿ ਕੋਰੋਨਾਵਾਇਰਸ ਮਹਾਂਮਾਰੀ ਦਾ ਪ੍ਰਭਾਵ ਆਰਥਿਕ ਪੱਖੋਂ ਮਾਰੂ ਸਾਬਤ ਹੋਵੇਗਾ। ਅਰਥਸ਼ਾਸਤਰੀਆਂ ਦਾ ਮੰਨਣਾ ਹੈ ਕਿ ਆਲਮੀ ਆਰਥਿਕਤਾ ਇਤਿਹਾਸ ਦੇ ਸਭ ਤੋਂ ਭੈੜੇ ਪੜਾਵਾਂ ਵਿਚੋਂ ਲੰਘੇਗੀ।
ਰਿਪੋਰਟ ਅਨੁਸਾਰ ਸਾਬਕਾ ਪ੍ਰਧਾਨ ਮੰਤਰੀ ਨੇ ਕਿਹਾ, ਇਹ ਸਾਡੇ ਦੇਸ਼ ਅਤੇ ਵਿਸ਼ਵ ਲਈ ਬਹੁਤ ਹੀ ਮੁਸ਼ਕਲ ਸਮਾਂ ਹੈ। ਕੋਰੋਨਾ ਵਾਇਰਸ ਦੇ ਫੈਲਣ ਨੂੰ ਰੋਕਣ ਵਿਚ ਦੇਸ਼ ਦੀ ਅਸਮਰਥਾ ਅਤੇ ਢੁਕਵੇਂ ਇਲਾਜ ਦੀ ਅਣਹੋਂਦ ਨੇ ਲੋਕਾਂ ਦੀਆਂ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਨਤੀਜੇ ਵਜੋਂ, ਆਮ ਸਮਾਜਿਕ ਪ੍ਰਣਾਲੀ ਵਿਚ ਆਈ ਉਥਲ-ਪੁਥਲ ਰੋਜ਼ੀ-ਰੋਟੀ ਅਤੇ ਵੱਡੀ ਆਰਥਿਕਤਾ ਪ੍ਰਭਾਵਤ ਹੋਵੇਗੀ।
ਆਰਥਿਕਤਾ ਉੱਤੇ ਡੂੰਘਾ ਪ੍ਰਭਾਵ :
ਮਨਮੋਹਨ ਸਿੰਘ ਨੇ ਕਿਹਾ ਕਿ ਸਾਡੇ ਸਮਾਜ ਦੇ ਕਮਜ਼ੋਰ ਵਰਗਾਂ ਦੀ ਵੱਡੀ ਗਿਣਤੀ ਗ਼ਰੀਬੀ ਵੱਲ ਵਾਪਸ ਆ ਸਕਦੀ ਹੈ, ਇਹ ਵਿਕਾਸਸ਼ੀਲ ਦੇਸ਼ ਲਈ ਬਹੁਤ ਹੀ ਅਣੌਖੀ ਘਟਨਾ ਹੈ। ਕਈ ਉਦਯੋਗ ਬੰਦ ਹੋ ਸਕਦੇ ਹਨ। ਗੰਭੀਰ ਬੇਰੁਜ਼ਗਾਰੀ ਕਾਰਨ ਇੱਕ ਪੂਰੀ ਪੀੜ੍ਹੀ ਖ਼ਤਮ ਹੋ ਸਕਦੀ ਹੈ। ਸੁੰਗੜ ਰਹੀ ਆਰਥਿਕਤਾ ਕਾਰਨ ਵਿੱਤੀ ਸਰੋਤਾਂ ਦੀ ਘਾਟ ਸਾਡੇ ਬੱਚਿਆਂ ਨੂੰ ਭੋਜਨ ਅਤੇ ਸਿੱਖਿਆ ਦੇਣ ਦੀ ਸਾਡੀ ਯੋਗਤਾ ‘ਤੇ ਮਾੜਾ ਅਸਰ ਪਾ ਸਕਦੀ ਹੈ। ਇਹ ਘਾਤਕ ਪ੍ਰਭਾਵ ਲੰਬੇ ਅਤੇ ਗਹਿਰੇ ਹਨ, ਖ਼ਾਸਕਰ ਹੇਠਲੇ ਵਰਗ ਦੇ ਲੋਕਾਂ ਲਈ ਇਹ ਮਾਰੂ ਸਾਬਤ ਹੋਵੇਗੀ।