ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਕੇਰਲਾ ਨੂੰ 73,38,806 ਵੈਕਸੀਨ ਖੁਰਾਕਾਂ ਮਿਲੀਆਂ, ਜਿਨ੍ਹਾਂ ਵਿਚੋਂ 74,26,164 ਲੋਕਾਂ ਨੂੰ ਖੁਰਾਕ ਦਿੱਤੀ ਗਈ। ਇਸਦਾ ਅਰਥ ਹੈ ਕਿ ਕੇਰਲ ਨੇ 87,358 ਵਾਧੂ ਲੋਕਾਂ ਨੂੰ ਟੀਕਾ ਲਗਾਇਆ ਅਤੇ ਖੁਰਾਕਾਂ ਨੂੰ ਵਿਅਰਥ ਨਹੀਂ ਜਾਣ ਦਿੱਤਾ। ਇਹ ਆਮ ਗੱਲ ਨਹੀਂ ਹੈ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਇਸ ਕੰਮ ਲਈ ਖੱਬੀ ਸ਼ਾਸਨ ਵਾਲੇ ਕੇਰਲਾ ਰਾਜ ਦੀ ਪ੍ਰਸ਼ੰਸਾ ਕੀਤੀ ਹੈ। ਉਨ੍ਹਾਂ ਨੇ ਮੁੱਖ ਮੰਤਰੀ ਪਿਨਾਰਾਈ ਵਿਜਯਾਨ ਦੀ ਅਗਵਾਈ ਵਾਲੇ ਰਾਜ ਸਿਹਤ ਕਰਮਚਾਰੀਆਂ ਦੀ ਸ਼ਲਾਘਾ ਕੀਤੀ ਹੈ ਅਤੇ ਉਹ ਵੀ ਇਸ ਲਈ ਕਿਉਂਕਿ ਉਨ੍ਹਾਂ ਨੇ ਕੋਰੋਨਾ ਟੀਕੇ ਦੇ ਨੁਕਸਾਨ ਨੂੰ ਘੱਟ ਕੀਤਾ ਹੈ। ਇਸ ਦਾ ਜ਼ਿਕਰ ਰਾਜ ਦੇ ਮੁੱਖ ਮੰਤਰੀ ਪੀ ਵਿਜਯਨ ਨੇ ਆਪਣੇ ਟਵੀਟ ਵਿੱਚ ਵੀ ਕੀਤਾ ਹੈ, ਜਿਸ ਨੂੰ ਪੀਐਮ ਮੋਦੀ ਨੇ ਰੀਟਵੀਟ ਕੀਤਾ ਹੈ।
ਵਿਜਯਨ ਨੇ ਟਵੀਟ ਵਿੱਚ ਲਿਖਿਆ, “ਕੇਰਲ ਨੂੰ ਭਾਰਤ ਸਰਕਾਰ ਤੋਂ, 73,38,,8066 ਵੈਕਸੀਨ ਦੀਆਂ ਖੁਰਾਕਾਂ ਮਿਲੀਆਂ ਹਨ। ਅਸੀਂ, 74,26,164 ਖੁਰਾਕ ਮੁਹੱਈਆ ਕਰਵਾਈ ਹੈ, ਹਰੇਕ ਸੀਸ਼ੀ ਵਿੱਚੋਂ ਵਿਅਰਥ ਜਾਣ ਵਾਲੀ ਡੋਜ਼ ਦਾ ਇਸਤੇਮਾਲ ਕਰਕੇ ਅਸੀਂ ਇੱਕ ਵਾਧੂ ਖੁਰਾਕ ਤਿਆਰ ਕੀਤੀ ਹੈ। ਸਾਡੇ ਸਿਹਤ ਕਰਮਚਾਰੀ, ਖ਼ਾਸਕਰ ਨਰਸਾਂ ਬਹੁਤ ਹੀ ਹੁਨਰਮੰਦ ਅਤੇ ਦਿਲ ਤੋਂ ਪ੍ਰਸ਼ੰਸਾ ਕਰਨ ਦੇ ਲਾਇਕ। ”
ਪੀਐਮ ਮੋਦੀ ਨੇ ਇਸ ਦੇ ਜਵਾਬ ਵਿਚ ਰਿਟਵੀਟ ਕੀਤਾ, “ਸਾਡੇ ਸਿਹਤ ਕਰਮਚਾਰੀ, ਨਰਸਾਂ ਨੂੰ ਦੇਖ ਕੇ ਖੁਸ਼ੀ ਹੁੰਦੀ ਹੈ ਕਿ ਉਹ ਵੈਕਸੀਨ ਨੂੰ ਬਰਬਾਦ ਹੋਣ ਤੋਂ ਬਚਾਉਣ ਲਈ ਇਕ ਮਿਸਾਲ ਕਾਇਮ ਕਰ ਰਹੇ ਹਨ। ਕੋਵਿਡ-19 ਵਿਰੁੱਧ ਮਜ਼ਬੂਤ ਲੜਾਈ ਲਈ ਟੀਕੇ ਦੇ ਨੁਕਸਾਨ ਨੂੰ ਘਟਾਉਣਾ ਬਹੁਤ ਜ਼ਰੂਰੀ ਹੈ।”
ਕੇਰਲ ਨੇ ਇਹ ਰਿਕਾਰਡ ਕਿਵੇਂ ਬਣਾਇਆ?
ਇਹ ਨਹੀਂ ਹੈ ਕਿ ਕੇਰਲਾ ਨੇ ਹਰੇਕ ਵਿਅਕਤੀ ਨੂੰ ਦਿੱਤੇ ਡੋਜ਼ ਦੀ ਮਾਤਰਾ ਨੂੰ ਘਟਾ ਦਿੱਤਾ ਹੈ, ਬਲਕਿ ਇਸ ਨੇ ਕੇਂਦਰ ਦੁਆਰਾ ਦਿੱਤੀ ਗਈ ਟੀਕੇ ਦੀਆਂ ਖੁਰਾਕਾਂ ਦੀ ਵਰਤੋਂ ਲਈ ਇੱਕ ਕੁਸ਼ਲ ਪ੍ਰਣਾਲੀ ਅਪਣਾਈ ਹੈ। ਪੰਜ ਮਿਲੀਲੀਟਰ (ਮਿ.ਲੀ.) ਦੇ ਹਰੇਕ ਸ਼ੀਸੀ ਵਿੱਚ ਟੀਕੇ ਦੀਆਂ 10 ਖੁਰਾਕਾਂ ਹੁੰਦੀਆਂ ਹਨ, ਇਸਦਾ ਅਰਥ ਹੈ ਕਿ ਉਸ ਸ਼ੀਸ਼ੀ ਵਿੱਚੋਂ 10 ਲੋਕਾਂ ਨੂੰ ਟੀਕਾ ਲਗਾਇਆ ਜਾ ਸਕਦਾ ਹੈ।ਇਸ ਦੌਰਾਨ, ਕੰਪਨੀਆਂ ਹਰ ਸ਼ੀਸ਼ੀ ਵਿਚ ਵਾਧੂ ਖੁਰਾਕ ਪਾ ਰਹੀ ਹੈ ਤਾਂ ਜੋ ਟੀਕੇ ਦੀ ਖੁਰਾਕ ਵਿਚ ਕਮੀ ਨਾ ਆਵੇ। ਉਦਾਹਰਣ ਦੇ ਲਈ, ਇਸ ਵਿੱਚ 0.55 ਮਿ.ਲੀ. ਜਾਂ 0.6 ਮਿ.ਲੀ. ਦੀ ਵਾਧੂ ਦਵਾਈ ਹੁੰਦੀ ਹੈ।
ਕੇਂਦਰੀ ਸਿਹਤ ਮੰਤਰਾਲੇ ਨੇ ਵੈਕਸੀਨ ਦੇ 10% ਤੱਕ ਵਿਅਰਥ ਹੋਣ ਤੱਕ ਛੋਟ ਦਿੱਤੀ ਹੈ, ਜਦੋਂ ਕਿ ਤਾਮਿਲਨਾਡੂ ਵਰਗੇ ਰਾਜਾਂ ਵਿਚ ਇਸ ਦੀ ਬਰਬਾਦੀ ਦੀ ਦਰ 8.83% ਹੈ ਅਤੇ ਲਕਸ਼ਦੀਪ ਵਿਚ ਇਹ ਰਿਕਾਰਡ 9.76% ਹੈ। ਬਹੁਤ ਸਾਰੇ ਰਾਜਾਂ ਵਿੱਚ ਇਹੋ ਜਿਹੀ ਸਥਿਤੀ ਹੈ, ਪਰ ਕੇਰਲ ਨੇ ਦਿਲਚਸਪ ਤਰੀਕੇ ਨਾਲ ਵੱਖਰੇ ਅੰਕੜੇ ਪੇਸ਼ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ ਹੈ।