ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਤੇਲ ਕੀਮਤਾਂ ਤੋਂ ਬਾਅਦ ਹੁਣ ਰੇਲ ਭਾੜੇ ਵਿਚ ਵਾਧੇ ਨਾਲ ਆਮ ਆਦਮੀ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਅੱਜ ਤੋਂ ਦਿੱਲੀ ਦੇ ਸਾਰੇ ਰੇਲਵੇ ਸਟੇਸ਼ਨਾਂ ਉਤੇ ਪਲੇਟਫਾਰਮ ਟਿਕਟਾਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਹਨ, ਜਿਨ੍ਹਾਂ ਦੀ ਵਿਕਰੀ ਲਾਕਡਾਊਨ ਕਾਰਨ ਬੰਦ ਹੋ ਗਈ ਸੀ।
ਮੁੰਬਈ ਸਮੇਤ ਦੇਸ਼ ਦੇ ਹੋਰ ਵੱਡੇ ਸ਼ਹਿਰਾਂ ਵਿਚ ਪਲੇਟਫਾਰਮ ਟਿਕਟ ਦੀ ਕੀਮਤ 50 ਰੁਪਏ ਰੱਖੀ ਗਈ ਹੈ, ਤਾਂ ਜੋ ਜ਼ਿਆਦਾ ਲੋਕ ਸਟੇਸ਼ਨ ‘ਤੇ ਬੇਲੋੜਾ ਨਾ ਆ ਸਕਣ ਅਤੇ ਭੀੜ ਨਾ ਵਧੇ। ਉਥੇ ਹੀ ਦਿੱਲੀ ਵਿਚ ਪਲੇਟਫਾਰਮ ਟਿਕਟ 30 ਰੁਪਏ ਰੱਖਣ ਦਾ ਫ਼ੈਸਲਾ ਕੀਤਾ ਗਿਆ ਹੈ।
>> ਮੁੰਬਈ ਵਿਚ ਪੰਜ ਗੁਣਾ ਵਾਧਾ ਹੋਇਆ
ਕੇਂਦਰੀ ਰੇਲਵੇ ਨੇ ਪਲੇਟਫਾਰਮ ‘ਤੇ ਭੀੜ ਨੂੰ ਰੋਕਣ ਲਈ ਮੁੰਬਈ ਮੈਟਰੋਪੋਲੀਟਨ ਰੀਜ਼ਨ (ਐਮਐਮਆਰ) ਦੇ ਕੁੱਝ ਸਟੇਸ਼ਨਾਂ’ ਤੇ ਪਲੇਟਫਾਰਮ ਟਿਕਟਾਂ ਦੇ ਕਿਰਾਏ 5 ਗੁਣਾ ਵਧਾਏ ਹਨ। ਰੇਲਵੇ ਦੇ ਅਨੁਸਾਰ, ਮੁੰਬਈ ਦੇ ਛਤਰਪਤੀ ਸ਼ਿਵਾਜੀ ਮਹਾਰਾਜ ਟਰਮੀਨਸ, ਦਾਦਰ ਅਤੇ ਲੋਕਮਾਨਿਆ ਤਿਲਕ ਟਰਮੀਨਸ ਵਿੱਚ ਪਲੇਟਫਾਰਮ ਟਿਕਟ ਕੀਮਤ 10 ਰੁਪਏ ਦੀ ਬਜਾਏ 50 ਰੁਪਏ ਕਰ ਦਿੱਤੀ ਹੈ।
>> ਦਿੱਲੀ ਵਿੱਚ ਤਿੰਨ ਗੁਣਾ ਵਾਧਾ ਹੋਇਆ
ਇਥੇ ਰੇਲਵੇ ਨੇ ਟਿਕਟਾਂ ਦੀਆਂ ਕੀਮਤਾਂ ਵਿੱਚ ਵੀ ਤਿੰਨ ਗੁਣਾ ਵਾਧਾ ਕੀਤਾ ਹੈ। ਦੱਸ ਦਈਏ ਕਿ ਪਹਿਲਾਂ ਤੁਹਾਨੂੰ ਪਲੇਟਫਾਰਮ ਟਿਕਟ ਲਈ 10 ਰੁਪਏ ਖਰਚਣੇ ਪੈਂਦੇ ਸਨ, ਹੁਣ ਤੁਹਾਨੂੰ 30 ਰੁਪਏ ਦੇਣੇ ਪੈਣਗੇ।
>> ਸਥਾਨਕ ਕਿਰਾਏ ਵਿਚ ਵੀ ਵਾਧਾ
ਪਲੇਟਫਾਰਮ ਟਿਕਟ ਦੀ ਦਰ ਵਿਚ ਵਾਧੇ ਦੇ ਨਾਲ ਰੇਲਵੇ ਦੁਆਰਾ ਸਥਾਨਕ ਕਿਰਾਏ ਵੀ ਵਧਾਏ ਗਏ ਹਨ। ਰੇਲਵੇ ਨੇ ਪੈਸੰਜਰ ਰੇਲ ਦੀ ਬਜਾਏ ਐਕਸਪ੍ਰੈਸ ਰੇਲ ਦੀ ਸੇਵਾ ਸ਼ੁਰੂ ਕੀਤੀ ਹੈ, ਜਿਸਦਾ ਕਿਰਾਇਆ ਵੀ ਵਧਿਆ ਹੈ। ਯਾਤਰੀਆਂ ਨੂੰ ਹੁਣ 10 ਰੁਪਏ ਦੀ ਥਾਂ 30 ਰੁਪਏ ਦੇ ਕੇ ਸਥਾਨਕ ਯਾਤਰਾ ਕਰਨੀ ਪਵੇਗੀ।
