ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਮਾਇਲਨ ਫਾਰਮਾ (Mylan) ਕੰਪਨੀ ਨੇ ਕੋਰੋਨਾਵਾਇਰਸ ਦੇ ਇਲਾਜ ਲਈ ਭਾਰਤੀ ਮਾਰਕੀਟ ਵਿੱਚ ‘ਡੇਸਰੇਮ ਨਾਮ ਨਾਲ ਰੇਮਡੇਸਿਵਿਰ ਦਵਾਈ ਦਾ ਇੱਕ ਜੈਨਰਿਕ ਵਰਜਨ ਪੇਸ਼ ਕੀਤਾ ਹੈ। ਇਸ ਦਵਾਈ ਨੂੰ ਕੋਰੋਨਾ ਦੇ ਸ਼ੱਕੀ ਮਰੀਜ਼ਾਂ ਤੇ ਟੈਸਟ ਵਿਚ ਪਾਜ਼ਿਟਿਵ ਆਏ ਮਰੀਜ਼ਾਂ ਨੂੰ ਦੇਣ ਦੀ ਪ੍ਰਵਾਨਗੀ ਦਿੱਤੀ ਜਾ ਚੁੱਕੀ ਹੈ।
ਇਹ ਟੀਕਾ 4800 ਰੁਪਏ ਦੀ ਕੀਮਤ ‘ਤੇ ਭਾਰਤੀ ਬਾਜ਼ਾਰ ‘ਚ ਉਪਲੱਬਧ ਹੋਵੇਗਾ। ਇਸ ਦੇ ਨਾਲ ਹੀ, ਕੰਪਨੀ ਨੇ ਕੋਵਿਡ -19 ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤਾ ਹੈ, ਜਿਥੇ ਮਰੀਜ਼ ਅਤੇ ਸਿਹਤ ਕਰਮਚਾਰੀ ਇਸ ਦਵਾਈ ਦੀ ਉਪਲੱਬਤਾ ਸਮੇਤ ਬਹੁਤ ਸਾਰੀਆਂ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਇਸ ਤੋਂ ਪਹਿਲਾਂ ਹੇਟੇਰੋ ਦੀ ਰੈਮਡੇਸਿਵਿਰ 5400 ਰੁਪਏ ਅਤੇ ਸਿਪਲਾ ਦਾ ਰੈਮਡੇਸਿਵਿਰ 4000 ਰੁਪਏ ਦੀ ਕੀਮਤ ‘ਤੇ ਬਾਜ਼ਾਰ ‘ਤੇ ਆ ਚੁੱਕਾ ਹੈ।
ਹੈਲਪਲਾਈ ਨੰਬਰ ਜਾਰੀ ਕੀਤਾ :
ਕੰਪਨੀ ਨੇ ਕਿਹਾ ਕਿ ਸਿਹਤ ਕਰਮਚਾਰੀ ਹੈਲਪਲਾਈਨ 7829980066 ਉੱਤੇ ਕਾਲ ਕਰਕੇ ਇਸ ਦਵਾਈ ਬਾਰੇ ਪੂਰੀ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਨਾਲ ਹੀ, ਤੁਸੀਂ ਇਹ ਵੀ ਜਾਣ ਸਕਦੇ ਹੋ ਕਿ ਦਵਾਈ ਦੀ ਕਿੰਨੀ ਉਪਲੱਬਤਾ ਹੈ। ਕੇਂਦਰ ਸਰਕਾਰ ਨੇ ਕੰਪਨੀਆਂ ਨੂੰ ਲੋਕਾਂ ਦੀਆਂ ਮੁਸ਼ਕਲਾਂ ਦੇ ਮੱਦੇਨਜ਼ਰ ਹੈਲਪਲਾਈਨ ਨੰਬਰ ਸ਼ੁਰੂ ਕਰਨ ਲਈ ਵੀ ਕਿਹਾ ਹੈ। ਜਿੱਥੇ ਤੁਸੀਂ ਲੋੜਵੰਦ ਦਵਾਈਆਂ ਦੀ ਸਪਲਾਈ ਬਾਰੇ ਪਤਾ ਲਗਾ ਸਕਦੇ ਹੋ ਅਤੇ ਆਪਣੀ ਜ਼ਰੂਰਤ ਦੱਸ ਸਕਦੇ ਹੋ।
ਭਾਰਤ ਵਿੱਚ ਮਾਈਲਨ ਫਾਰਮਾ ਦੇ ਚੇਅਰਮੈਨ ਰਾਕੇਸ਼ ਬਜਮਈ ਨੇ ਕਿਹਾ ਕਿ ਰੈਮਡੇਸਿਵਿਰ ਦੇ ਵਪਾਰਕ ਉਤਪਾਦਨ ਦੀ ਇਜਾਜ਼ਤ ਮਿਲਣ ਤੋਂ ਬਾਅਦ ਅਸੀਂ ਡਰੱਗ ਦਾ ਇੱਕ ਜੈਨਰਿਕ ਵਰਜਨ ਤਿਆਰ ਕੀਤਾ ਹੈ। ਦਵਾਈ ਦਾ ਪਹਿਲਾ ਬੈਚ ਅੱਜ ਲਾਂਚ ਕੀਤਾ ਗਿਆ ਹੈ। ਦਵਾਈ ਦੀ ਲਗਾਤਾਰ ਵਧ ਰਹੀ ਮੰਗ ਨੂੰ ਵੇਖਦੇ ਹੋਏ, ਕੰਪਨੀ ਨੇ ਕਿਹਾ ਹੈ ਕਿ ਉਹ ਪੂਰੇ ਦੇਸ਼ ਵਿਚ ਇਸਦੀ ਸਪਲਾਈ ਜਾਰੀ ਰੱਖੇਗੀ।