ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰਵਿੰਦਰ)
ਨਵੀਂ ਦਿੱਲੀ : ਆਰਬੀਆਈ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਅੱਜ ਸੱਤਵੇਂ ਐੱਸਬੀਆਈ ਬੈਂਕਿੰਗ ਅਤੇ ਇਕਨਾਮਿਕਸ ਸਮਾਰੋਹ ਨੂੰ ਸੰਬੋਧਨ ਕੀਤਾ। ਕੋਰੋਨਾ ਮਹਾਂਮਾਰੀ ਦੇ ਮੱਦੇਨਜ਼ਰ ਇਹ ਪ੍ਰੋਗਰਾਮ ਇਸ ਵਾਰ ਵਰਚੁਅਲ ਆਯੋਜਿਤ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਵਿੱਤੀ ਦੁਨੀਆ ਨਾਲ ਸਬੰਧਤ ਮਸ਼ਹੂਰ ਸ਼ਿਰਕਤ ਕਰ ਰਹੇ ਹਨ। ਇਹ ਦੋ ਦਿਨਾ ਸੰਮੇਲਨ ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਇਆ ਅਤੇ ਅੱਜ ਆਰਬੀਆਈ ਦੇ ਗਵਰਨਰ ਨੇ ਸੰਬੋਧਨ ਕੀਤਾ। ਕੋਂਕਲੇਵ ਦਾ ਥੀਮ ‘ਕਾਰੋਬਾਰ ਅਤੇ ਆਰਥਿਕਤਾ ‘ਤੇ ਕੋਰੋਨਾ ਦਾ ਪ੍ਰਭਾਵ’ ਹੈ।
ਸ਼ਕਤੀਕਾਂਤ ਦਾਸ ਨੇ ਕਿਹਾ, “ਕੋਰੋਨਾਵਾਇਰਸ ਪਿਛਲੇ 100 ਸਾਲਾਂ ਵਿੱਚ ਸਭ ਤੋਂ ਖ਼ਰਾਬ ਸਿਹਤ ਅਤੇ ਆਰਥਿਕ ਸੰਕਟ ਦਾ ਕਾਰਨ ਹੈ ਜਿਸਨੇ ਉਤਪਾਦਨ ਅਤੇ ਨੌਕਰੀਆਂ ‘ਤੇ ਮਾੜਾ ਪ੍ਰਭਾਵ ਪਾਇਆ। ਇਸ ਨੇ ਪੂਰੀ ਦੁਨੀਆਂ ਵਿਚ ਮੌਜੂਦਾ ਪ੍ਰਣਾਲੀ, ਕਿਰਤ ਅਤੇ ਪੂੰਜੀ ਦੀ ਗਤੀ ਨੂੰ ਘਟਾ ਦਿੱਤਾ ਹੈ।“
” “ਰਿਜ਼ਰਵ ਬੈਂਕ ਆਫ਼ ਇੰਡੀਆ ਨੇ ਸਾਡੀ ਆਰਥਿਕ ਪ੍ਰਣਾਲੀ ਨੂੰ ਸੁਰੱਖਿਅਤ ਰੱਖਣ, ਮੌਜੂਦਾ ਸੰਕਟ ਵਿੱਚ ਅਰਥਚਾਰੇ ਦਾ ਸਮਰਥਨ ਕਰਨ ਲਈ ਬਹੁਤ ਸਾਰੇ ਕਦਮ ਚੁੱਕੇ ਹਨ। “-ਸ਼ਕਤੀਕਾਂਤ ਦਾਸ, ਗਵਰਨਰ, ਆਰਬੀਆਈ
ਆਰਬੀਆਈ ਦੇ ਗਵਰਨਰ ਨੇ ਕਿਹਾ ਕਿ “ਵਿਕਾਸ ਆਰਬੀਆਈ ਲਈ ਪਹਿਲੀ ਤਰਜੀਹ ਹੈ, ਵਿੱਤੀ ਸਥਿਰਤਾ ਵੀ ਉਨੀ ਹੀ ਅਹਿਮ ਹੈ। ਆਰਬੀਆਈ ਨੇ ਉੱਭਰ ਰਹੇ ਜ਼ੋਖ਼ਮਾਂ ਦੀ ਪਛਾਣ ਕਰਨ ਲਈ ਆਪਣੀ ਆਫਸਾਈਟ ਨਿਗਰਾਨੀ ਵਿਧੀ ਨੂੰ ਮਜ਼ਬੂਤ ਕੀਤਾ ਹੈ।”
ਭਾਰਤੀ ਆਰਥਿਕਤਾ ਦੇ ਆਮ ਅਰਥਚਾਰੇ ਵੱਲ ਪਰਤਣ ਦੇ ਸੰਕੇਤ- ਦਾਸ
ਸ਼ਕਤੀਤਿਕੰਤ ਦਾਸ ਨੇ ਕਿਹਾ, “ਲਾਕਡਾਊਨ ਪਾਬੰਦੀ ਹਟਾਏ ਜਾਣ ਨਾਲ ਭਾਰਤੀ ਅਰਥਚਾਰੇ ਦੀ ਆਮ ਸਥਿਤੀ ਵੱਲ ਪਰਤਣ ਦੇ ਸੰਕੇਤ ਆਉਣੇ ਸ਼ੁਰੂ ਹੋ ਗਏ ਹਨ।” ਉਨ੍ਹਾਂ ਨੇ ਅੱਗੇ ਕਿਹਾ ਕਿ “ਸੰਕਟ ਦੇ ਸਮੇਂ ਭਾਰਤੀ ਕੰਪਨੀਆਂ ਅਤੇ ਉਦਯੋਗਾਂ ਨੇ ਬਿਹਤਰ ਪ੍ਰਦਰਸ਼ਨ ਕੀਤਾ। ਦਬਾਅ ਹੇਠ ਫਸੀ ਸੰਪਤੀ ਨਾਲ ਨਜਿੱਠਣ ਲਈ ਕਾਨੂੰਨੀ ਅਧਿਕਾਰਤ ਢਾਂਚਾਗਤ ਪ੍ਰਣਾਲੀ ਦੀ ਲੋੜ ਹੈ।”
