20 ਲੱਖ ਕਰੋੜ ਨਹੀਂ ਬਲਕਿ 3.22 ਲੱਖ ਕਰੋੜ ਦਾ ਪੈਕੇਜ, ਕਾਂਗਰਸ ਨੇ ਮੰਗਿਆ ਮੋਦੀ ਸਰਕਾਰ ਤੋਂ ਜਵਾਬ :

    0
    4

    ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼ : (ਸਿਮਰਨ)

    ਨਵੀਂ ਦਿੱਲੀ : ਕੇਂਦਰ ਸਰਕਾਰ ਵੱਲੋਂ ਜਾਰੀ ਕੀਤੇ 20 ਲੱਖ ਕਰੋੜ ਦੇ ਵਿੱਤੀ ਪੈਕੇਜ ਤੇ ਵਿਰੋਧੀ ਧਿਰਾਂ ਲਗਾਤਾਰ ਸਵਾਲ ਚੁੱਕ ਰਹੀਆਂ ਹਨ। ਕਾਂਗਰਸ ਵੱਲੋਂ ਇਹ ਦਾਅਵਾ ਕੀਤਾ ਗਿਆ ਕਿ 20 ਲੱਖ ਕਰੋੜ ਦਾ ਪੈਕੇਜ ਨਹੀਂ। ਇਹ ਸਿਰਫ਼ 3.22 ਲੱਖ ਕਰੋੜ ਰੁਪਏ ਦਾ ਹੈ ਜੋ ਜੀਡੀਪੀ ਦਾ 1.6 ਫ਼ੀਸਦ ਹੈ। ਆਨੰਦ ਸ਼ਰਮਾ ਨੇ ਇਸ ਸਬੰਧੀ ਵਿੱਤ ਮੰਤਰੀ ਤੋਂ ਜਵਾਬ ਮੰਗਿਆ ਹੈ।

    ਉਨ੍ਹਾਂ ਕਿਹਾ ਕਿ ਸੜਕਾਂ ‘ਤੇ ਪੈਦਲ ਚੱਲਣ ਲਈ ਮਜ਼ਬੂਰ ਪਰਵਾਸੀਆਂ ਦੀ ਹਾਲਤ ‘ਤੇ ਸਰਕਾਰ ਨੂੰ ਜਵਾਬ ਦੇਣਾ ਪਏਗਾ। ਉਨ੍ਹਾਂ ਬਜ਼ੁਰਗਾਂ ਤੇ ਮਹਿਲਾਵਾਂ ਨੂੰ ਦਿੱਤੀ ਪੈਂਸ਼ਨ ‘ਤੇ ਸਵਾਲ ਕੀਤਾ ਕਿ ਸਿਰਫ਼ 21 ਫ਼ੀਸਦ ਲੋਕਾਂ ਦਾ ਹੀ ਅਕਾਊਂਟ ਹੈ। ਚੰਗਾ ਹੁੰਦਾ ਕਿ ਇਸ ਨੂੰ ਮਨਰੇਗਾ ਨਾਲ ਜੋੜਿਆ ਜਾਂਦਾ।

    ਕਾਂਗਰਸ ਨੇ ਮੰਗ ਕੀਤੀ ਕਿ 150 ਦਿਨ ਹਰ ਮਜ਼ਦੂਰ ਨੂੰ ਮਿਲਣ ਤੇ ਘੱਟੋ ਘੱਟ 300 ਰੁਪਏ ਦਿੱਤੇ ਜਾਣ। ਉਨ੍ਹਾਂ ਨੇ ਕਿਹਾ ਜੋ 20 ਰੁਪਏ ਵਧਾਉਣ ਦਾ ਐਲਾਨ ਕੀਤਾ ਗਿਆ ਉਹ ਸਰਾਸਰ ਮਜ਼ਾਕ ਹੈ। ਹਾਲਾਂਕਿ ਮਨਰੇਗਾ ਬਜ਼ਟ ‘ਚ 40 ਹਜ਼ਾਰ ਕਰੋੜ ਦੇ ਵਾਧੇ ਦਾ ਉਨ੍ਹਾਂ ਸੁਆਗਤ ਕੀਤਾ ਹੈ।

    ਉਨ੍ਹਾਂ ਨੇ ਕਿਹਾ ਜਦੋਂ ਤਕ ਗ਼ਰੀਬਾਂ -ਮਜ਼ਦੂਰਾਂ ਦੇ ਹੱਥ ‘ਚ ਪੈਸਾ ਸਿੱਧਾ ਨਹੀਂ ਜਾਏਗਾ, ਅਸੀਂ ਉਸ ਨੂੰ ਕਿਸੇ ਵੀ ਤਰ੍ਹਾਂ ਇਨਸੈਨਟਿਵ ਨਹੀਂ ਮੰਨਾਂਗੇ। ਇਸ ਤੋਂ ਇਲਾਵਾ ਪੀਐੱਮ-ਕਿਸਾਨ ਦਾ ਪੈਸਾ ਵਿੱਤੀ ਪੈਕੇਜ ਦਾ ਹਿੱਸਾ ਨਹੀਂ ਹੈ, ਇਹ ਚੋਣਾਂ ਤੋਂ ਪਹਿਲਾਂ ਦਾ ਐਲਾਨ ਹੈ।

    ਆਨੰਦ ਸ਼ਰਮਾ ਨੇ ਕਿਹਾ ਕਈ ਸੁਧਾਰਾਂ ਦਾ ਐਲਾਨ ਕੀਤਾ ਗਿਆ ਹੈ ਪਰ ਇਹ ਸਮਾਂ ਲੜਖੜਾਉਂਦੀ ਵਿਵਸਥਾ ਤੇ ਉਦਯੋਗਾਂ ਨੂੰ ਸਹੀ ਰਾਹ ‘ਤੇ ਲਿਆਉਣ ਦਾ ਹੈ।

    LEAVE A REPLY

    Please enter your comment!
    Please enter your name here