ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਸਰਕਾਰ ਨੇ ਮਾਲਦੀਵ ’ਚ ਭਾਰਤ ਦੀ ਰਾਜਨਾਇਕ ਮੌਜੂਦਗੀ ਨੂੰ ਵਧਾਉਣ ਲਈ ਇਸ ਸਾਲ ਉੱਥੇ ਅੱਡੂ ਸ਼ਹਿਰ ’ਚ ਨਵਾਂ ਵਣਜ ਦੂਤਾਵਾਸ ਖੋਲ੍ਹਣ ਦੀ ਮਨਜ਼ੂਰੀ ਦਿੱਤੀ ਹੈ। ਮਾਲਦੀਵ ’ਚ ਪਹਿਲਾ ਵਣਜ ਦੂਤਾਵਾਸ ਖੋਲ੍ਹਣ ਦੇ ਸੰਬੰਧੀ ਫ਼ੈਸਲਾ ਮਾਲਦੀਵ ’ਚ ਚੀਨ ਦਾ ਪ੍ਰਭਾਵ ਵਧਣ ਦੇ ਲਗਾਤਾਰ ਕੋਸ਼ਿਸ਼ਾਂ ਦੇ ’ਚ ਲਿਆ ਗਿਆ ਹੈ।
ਕੇਂਦਰੀ ਮੰਤਰੀ ਮੰਡਲ ਨੇ ਨਵਾਂ ਵਣਜ ਦੂਤਾਵਾਸ ਖੋਲ੍ਹਣ ਦੀ ਦਿੱਤੀ ਮਨਜ਼ੂਰੀ –
ਮੰਗਲਵਾਰ ਨੂੰ ਜਾਰੀ ਸਰਕਾਰੀ ਬਿਆਨ ’ਚ ਕਿਹਾ ਗਿਆ, ‘ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪ੍ਰਧਾਨਗੀ ’ਚ ਕੇਂਦਰੀ ਮੰਤਰੀ ਮੰਡਲ ਨੇ 2021 ’ਚ ਮਾਲਦੀਵ ਦੇ ਅੱਡੂ ਸ਼ਹਿਰ ’ਚ ਭਾਰਤ ਦੇ ਇਕ ਨਵੇਂ ਵਣਜ ਦੂਤਾਵਾਸ ਨੂੰ ਖੋਲ੍ਹਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ।’ ਇਸ ’ਚ ਕਿਹਾ ਗਿਆ ਹੈ ਕਿ ਭਾਰਤ ਦੇ ‘ਗੁਆਂਢੀ ਪਹਿਲਾਂ’ ਦੀ ਨੀਤੀ ’ਚ ਇਸ ਦੇਸ਼ (ਮਾਲਦੀਵ) ਦਾ ਮਹੱਤਵਪੂਰਨ ਸਥਾਨ ਹੈ।
ਦੂਤਾਵਾਸ ਖੋਲ੍ਹਣ ਨਾਲ ਮਾਲਦੀਵ ’ਚ ਭਾਰਤ ਦੀ ਸਿਆਸੀ ਮੌਜੂਦਗੀ ਵਧਾਉਣ ’ਚ ਮਿਲੇਗੀ ਮਦਦ –
ਬਿਆਨ ’ਚ ਕਿਹਾ ਗਿਆ ਹੈ ਕਿ ਵਣਜ ਦੂਤਾਵਾਸ ਖੋਲ੍ਹਾਂ ਨਾਲ ਮਾਲਦੀਵ ’ਚ ਭਾਰਤ ਦੀ ਰਾਜਨਾਇਕ ਮੌਜਦੂਗੀ ਵਧਾਉਣ ’ਚ ਮਦਦ ਮਿਲੇਗੀ।
