ਡਿੱਗਦਾ ਹੀ ਜਾ ਰਿਹਾ ਰੁਪਿਆ, ਏਸ਼ਿਆਈ ਦੇਸ਼ਾਂ ਦੀ ਕਰੰਸੀ ‘ਚ ਸਭ ਤੋਂ ਖ਼ਰਾਬ ਪ੍ਰਦਸ਼ਨ

    0
    113

    ਨਿਊਜ਼ ਡੈਸਕ, ਜਨਗਾਥਾ ਟਾਇਮਜ਼: (ਰੁਪਿੰਦਰ)

    ਰੁਪਏ ‘ਚ ਲਗਾਤਾਰ ਗਿਰਾਵਟ ਦਰਜ ਕੀਤੀ ਜਾ ਰਹੀ ਹੈ। ਤੇਜ਼ ਗਿਰਾਵਟ ਦੇ ਕਾਰਨ ਰੁਪਿਆ ਏਸ਼ੀਆਈ ਦੇਸ਼ਾਂ ਦੀ ਕਰੰਸੀ ਵਿੱਚ ਸਭ ਤੋਂ ਖ਼ਰਾਬ ਪ੍ਰਦਰਸ਼ਨ ਕਰਨ ਵਾਲੀ ਕਰੰਸੀ ਬਣ ਗਿਆ ਹੈ। ਕੋਰੋਨਾ ਸੰਕਟ, ਫੰਡ ਫਲੋ ਅਤੇ ਯੂਐਸ ਦੀਆਂ ਚੋਣਾਂ ਨੇ ਰੁਪਏ ਦੀ ਕਾਰਗੁਜ਼ਾਰੀ ਨੂੰ ਕਾਫ਼ੀ ਪ੍ਰਭਾਵਤ ਕੀਤਾ ਹੈ। ਪਿਛਲੇ ਇੱਕ ਹਫਤੇ ਵਿੱਚ, ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕੀਮਤ ਵਿੱਚ 1 ਪ੍ਰਤੀਸ਼ਤ ਦੀ ਕਮੀ ਆਈ ਹੈ। ਰੁਪਏ ਦੀ ਅਸਥਿਰਤਾ ਨੂੰ ਮਾਪਣ ਵਾਲਾ ਬਲੂਮਬਰਗ ਓਪਸ਼ਨ ਵੋਲੇਟਿਲਿਟੀ ਇੰਡੈਕਸ 16 ਅਕਤੂਬਰ ਤੋਂ 77 ਬੇਸਿਸ ਪੁਆਇੰਟ ਚੜ੍ਹ ਕੇ 7.51 ਪ੍ਰਤੀਸ਼ਤ ਹੋ ਗਿਆ ਹੈ, ਜੋ ਕਿ ਬਹੁਤ ਜ਼ਿਆਦਾ ਹੈ।

    ਕੋਵੀਡ -19 ਦੇ ਕਾਰਨ ਨਿਵੇਸ਼ਕਾਂ ਦੀ ਸਤਰਕਤਾ ਕਾਰਨ ਵਿਸ਼ਵ ਭਰ ‘ਚ ਰੁਪਿਆ ਸਮੇਤ ਸਾਰੇ ਉੱਭਰ ਰਹੇ ਅਰਥਚਾਰਿਆਂ ਦੀ ਕਰੰਸੀ ਡਿੱਗ ਗਈ ਹੈ। ਇਸ ਦੇ ਨਾਲ, ਨਿਵੇਸ਼ਕ ਵੀ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜਿਆਂ ਤੋਂ ਘਬਰਾ ਗਏ ਹਨ। ਵਿਸ਼ਲੇਸ਼ਕਾਂ ਅਨੁਸਾਰ, ਕਰੰਸੀ ਮਾਰਕੀਟ ਨੇ ਅਜੇ ਤੱਕ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਦੇ ਨਤੀਜੇ ਨੂੰ ਅਨੁਕੂਲ ਕੀਤਾ ਹੈ। ਉਨ੍ਹਾਂ ਆ ਕਹਿਣਾ ਹੈ ਕਿ ਇਸ ਸਮੇਂ ਫੰਡ ਫਲੋ ਭਾਰਤ ਸਮੇਤ ਦੁਨੀਆ ਦੀਆਂ ਉੱਭਰ ਰਹੀਆਂ ਇਕੋਨੋਮੀਸ ਵਿੱਚ ਨਿਵੇਸ਼ ਦੇ ਮਾਮਲੇ ਵਿੱਚ ਘੱਟ ਜਾਵੇਗਾ। ਇਹ ਰੁਪਿਆ ਨੂੰ ਪ੍ਰਭਾਵਤ ਕਰੇਗਾ।

    ਦਰਅਸਲ, ਕੋਵਿਡ ਦੀ ਦੁਨੀਆ ਭਰ ‘ਚ ਦੂਜੀ ਲਹਿਰ ਨੇ ਆਰਥਿਕ ਮੋਰਚੇ ‘ਤੇ ਭਾਰੀ ਅਨਿਸ਼ਚਿਤਤਾ ਪੈਦਾ ਕਰ ਦਿੱਤੀ ਹੈ। ਇਸ ਲਹਿਰ ਦੇ ਕਾਰਨ, ਜਰਮਨੀ, ਫਰਾਂਸ ਸਣੇ ਕਈ ਦੇਸ਼ਾਂ ਨੂੰ ਮੁੜ ਤਾਲਾਬੰਦੀ ਕਰਨੀ ਪਈ। ਇਹੀ ਕਾਰਨ ਹੈ ਕਿ ਨਿਵੇਸ਼ ਦੇ ਮੋਰਚੇ ‘ਤੇ ਸੁਸਤੀ ਛਾਈ ਹੈ।

    ਅਮਰੀਕੀ ਚੋਣ ਨਤੀਜਿਆਂ ਤੋਂ ਪਹਿਲਾਂ ਨਿਵੇਸ਼ਕਾਂ ਨੇ ਬਹੁਤ ਕੰਜ਼ਰਵੇਟਿਵ ਰੁਖ ਅਪਣਾਇਆ ਹੈ। ਇਸ ਲਈ ਭਾਰਤ ‘ਚ ਨਿਵੇਸ਼ਕ ਕੰਪਨੀਆਂ ਦੀ ਦਿਲਚਸਪੀ ਘੱਟ ਗਈ ਹੈ। ਰੁਪਿਆ ਵੀਰਵਾਰ ਨੂੰ 74.11 ਦੇ ਪੱਧਰ ‘ਤੇ ਬੰਦ ਹੋਇਆ ਸੀ, ਜਦਕਿ 16 ਅਕਤੂਬਰ ਨੂੰ ਇਹ 73.35 ‘ਤੇ ਸੀ। ਬੁੱਧਵਾਰ ਨੂੰ, ਇਹ 0.31 ਪ੍ਰਤੀਸ਼ਤ ਹੇਠਾਂ, 73.88 ‘ਤੇ ਬੰਦ ਹੋਇਆ। ਰੁਪਏ ‘ਚ ਹੀ ਏਸ਼ੀਆ ਦੀ ਕਰੰਸੀ ‘ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਦਰਜ ਕੀਤੀ ਗਈ ਹੈ।

    LEAVE A REPLY

    Please enter your comment!
    Please enter your name here