ਨਵੀਂ ਦਿੱਲੀ, ਜਨਗਾਥਾ ਟਾਇਮਜ਼: (ਰੁਪਿੰਦਰ)
ਭਾਰਤ ਵਿਚ ਕੋਰੋਨਾ ਦੀ ਦੂਜੀ ਲਹਿਰ ਇਸ ਸਾਲ ਜੁਲਾਈ ਤਕ ਰੁਕ ਸਕਦੀ ਹੈ ਤੇ ਲਗਭਗ ਛੇ ਤੋਂ ਅੱਠ ਮਹੀਨਿਆਂ ਵਿਚ ਮਹਾਂਮਾਰੀ ਦੀ ਤੀਜੀ ਲਹਿਰ ਦੀ ਸੰਭਾਵਨਾ ਹੈ। ਇਹ ਅਨੁਮਾਨ ਭਾਰਤ ਸਰਕਾਰ ਦੇ ਵਿਗਿਆਨ ਮੰਤਰਾਲੇ ਅਧੀਨ ਵਿਗਿਆਨ ਤੇ ਟੈਕਨਾਲੋਜੀ ਵਿਭਾਗ ਦੁਆਰਾ ਸਥਾਪਤ ਵਿਗਿਆਨੀਆਂ ਦੇ ਤਿੰਨ ਮੈਂਬਰੀ ਪੈਨਲ ਦੁਆਰਾ ਕੀਤਾ ਗਿਆ ਹੈ। ਭਾਰਤ ਸਰਕਾਰ ਨੂੰ ਇਸ ਬਾਰੇ ਅਲਰਟ ਕਰ ਦਿੱਤਾ ਗਿਆ ਹੈ।
SUTRA ਮਾਡਲ ਦੀ ਵਰਤੋਂ ਕਰਦਿਆਂ, ਵਿਗਿਆਨੀਆਂ ਨੇ ਭਵਿੱਖਬਾਣੀ ਕੀਤੀ ਹੈ ਕਿ ਪ੍ਰਤੀ ਦਿਨ ਲਗਭਗ 1.5 ਲੱਖ ਨਵੇਂ ਕੇਸ ਮਈ ਦੇ ਅਖੀਰ ਵਿੱਚ ਆਉਣਗੇ ਤੇ ਜੂਨ ਦੇ ਅਖੀਰ ਵਿੱਚ ਇੱਕ ਦਿਨ ਵਿੱਚ 20,000 ਕੇਸ ਆਉਣਗੇ। ਜੁਲਾਈ ਤਕ, ਕੋਰੋਨਾ ਦੀ ਦੂਜੀ ਲਹਿਰ ਰੁਕ ਸਕਦੀ ਹੈ। ਪੈਨਲ ਦੇ ਇੱਕ ਮੈਂਬਰ ਤੇ ਆਈਆਈਟੀ ਕਾਨਪੁਰ ਦੇ ਪ੍ਰੋਫੈਸਰ ਮਨਿੰਦਰ ਅਗਰਵਾਲ ਨੇ ਕਿਹਾ ਕਿ ਮਹਾਰਾਸ਼ਟਰ, ਉੱਤਰ ਪ੍ਰਦੇਸ਼, ਕਰਨਾਟਕ, ਮੱਧ ਪ੍ਰਦੇਸ਼, ਝਾਰਖੰਡ, ਰਾਜਸਥਾਨ, ਕੇਰਲਾ, ਸਿੱਕਮ, ਉੱਤਰਾਂਖੰਡ, ਗੁਜਰਾਤ, ਹਰਿਆਣਾ ਅਤੇ ਨਾਲ ਹੀ ਦਿੱਲੀ ਅਤੇ ਗੋਆ ਵਰਗੇ ਰਾਜਾਂ ਵਿਚ ਕੋਰੋਨਾ ਆਪਣੇ ਸਿਖਰ ਤੇ ‘ਹੈ। ਤਾਮਿਲਨਾਡੂ ਵਿੱਚ 29 ਤੋਂ 31 ਮਈ ਨੂੰ ਅਤੇ ਪੁਡੂਚੇਰੀ ਵਿੱਚ 19-20 ਮਈ ਨੂੰ ਕੋਰੋਨਾ ਦਾ ਪੀਕ ਪਹੁੰਚ ਸਕਦਾ ਹੈ। ਪੂਰਬੀ ਅਤੇ ਉੱਤਰ ਪੂਰਬ ਦੇ ਰਾਜਾਂ ਵਿੱਚ ਅਜੇ ਕੋਰੋਨਾ ਦਾ ਸਿਖਰ ਆਉਣਾ ਬਾਕੀ ਹੈ। ਆਸਾਮ 20-21 ਮਈ, 30 ਮਈ ਨੂੰ ਮੇਘਾਲਿਆ ਵਿਚ, 26-27 ਮਈ ਤ੍ਰਿਪੁਰਾ ਵਿਚ ਪਹੁੰਚ ਸਕਦਾ ਹੈ। ਹਿਮਾਚਲ ਪ੍ਰਦੇਸ਼ ਅਤੇ ਪੰਜਾਬ ਵਿਚ ਇਸ ਸਮੇਂ ਕੋਰੋਨਾ ਦੇ ਮਾਮਲਿਆਂ ਵਿਚ ਵਾਧਾ ਵੇਖਿਆ ਜਾ ਰਿਹਾ ਹੈ। ਹਿਮਾਚਲ ਪ੍ਰਦੇਸ਼ ਵਿੱਚ ਕੋਰੋਨਾ ਦਾ ਪੀਕ 24 ਮਈ ਤੱਕ ਅਤੇ ਪੰਜਾਬ ਵਿੱਚ 22 ਮਈ ਤੱਕ ਪਹੁੰਚ ਸਕਦੀ ਹੈ।ਵਿਗਿਆਨੀਆਂ ਨੇ ਕਿਹਾ ਕਿ ਛੇ ਤੋਂ ਅੱਠ ਮਹੀਨਿਆਂ ਵਿੱਚ ਤੀਜੀ ਲਹਿਰ ਆਉਣ ਦੀ ਉਮੀਦ ਹੈ। ਆਈਆਈਟੀ ਕਾਨਪੁਰ ਦੇ ਪ੍ਰੋਫੈਸਰ ਮਨਿੰਦਰ ਅਗਰਵਾਲ ਨੇ ਕਿਹਾ ਕਿ ਤੀਜੀ ਵੇਵ ਤੋਂ ਪਹਿਲਾਂ ਹੀ ਕਈ ਲੋਕਾਂ ਨੇ ਵੈਕਸੀਨੇਸ਼ਨ ਕਰਵਾ ਲਈ ਹੋਵੇਗੀ ਇਸ ਲਈ ਬਹੁਤ ਸਾਰੇ ਲੋਕ ਤੀਜੀ ਵੇਵ ਨਾਲ ਪ੍ਰਭਾਵਿਤ ਨਹੀਂ ਹੋਣਗੇ। ਉਨ੍ਹਾਂ ਨੇ ਕਿਹਾ ਕਿ ਘੱਟੋ-ਘੱਟ ਅਕਤੂਬਰ 2021 ਤੱਕ ਤੀਜੀ ਲਹਿਰ ਨਹੀਂ ਆਵੇਗੀ। SUTRA ਮਾਡਲ ਵਰਗੇ ਗਣਿਤ ਦੇ ਮਾਡਲ ਮਹਾਂਮਾਰੀ ਦੀ ਤੀਬਰਤਾ ਦਾ ਅੰਦਾਜ਼ਾ ਲਗਾਉਣ ਵਿੱਚ ਸਹਾਇਤਾ ਕਰਦੇ ਹਨ। SUTRA ਮਾਡਲ ਪਿਛਲੇ ਸਾਲ ਕੋਵਿਡ ਦੇ ਪ੍ਰਭਾਵਾਂ ਦਾ ਅਧਿਐਨ ਕਰਨ ਲਈ ਹੋਂਦ ਵਿੱਚ ਆਇਆ ਸੀ। ਇਹ ਰਾਸ਼ਟਰੀ ਕੋਵਿਡ-19 ਸੁਪਰ ਮਾਡਲ ਕਮੇਟੀ, ਜੋ ਕਿ ਮਾਡਲ ਦੀ ਵਰਤੋਂ ਕਰਦੀ ਹੈ, ਦੀ ਸਰਕਾਰ ਦੁਆਰਾ ਭਾਰਤ ਵਿਚ ਕੋਵਿਡ-19 ਦੇ ਫੈਲਣ ਬਾਰੇ ਅੰਦਾਜ਼ਾ ਲਗਾਉਣ ਲਈ ਬਣਾਇਆ ਗਿਆ ਸੀ।